102
REGISTRES DU BUREAU
[i5o5]
ques à la porte Saint Jaques, où illec mesd. S"de la Ville descendirent à pied en attendant led. corps. Et environ deux heures après fut apporté ledit corps en lad. ville de Paris, reposant sur ung chariot branlant.
Et en entrant à la porte Saint Jaques, estoient de­vant les quatre Ordres Mendians et plusieurs gens d'église des parroisses de cested, ville, vestus de leurs surplis, mess" les religieux de Saint Martin des C hamps ; mons1, l'Evesque de Paris, une mytre blanche en sa teste, et les chanoynes et chapellains d'icelle eglise tenans leur ordre.
Après, marchoientseize crieurs de corps vestuz de robes noires et chaperons de dueil, portans les armes de feu mond. sr le duc d'Orleans et sonnans leurs clochetes.
Et devant led. corps avoit de par lad. Ville six vingtz grosses torches aux armes d'icelle Ville que portoient aucuns archers, arbalestriers et autres offi­ciers de l'Ostel de lad. Ville, tous vestus de noir.
Après, avoit vingt quatre torches aux armes de la ville de Bloix.
Et après, avoit soixante et seize torches aux armes dudit feu duc d'Orleans.
Après, marchoient à cheval plusieurs heraulx d'armes.
Après, aucuns nobles hommes portans l'un l'espée d'armes, l'autre le heaulme, l'autre l'escu, l'autre la coste d'armes, l'autre le guidon, et l'autre la banniere dudit feu duc d'Orleans; tous lesd, nobles hommes montez chascuns sur grans coursiers couvers de ve­lours noir, et chascun une grant croix de damas blanc, entre lesquelz avoit ung autre grant coursier d'honneur aussi couvert de velours noir, et une grant croix blanche.
Après, avoit quatre grans chevaulx aussi couvers de velours noir et une grant croix blanche; lesquelz menoient et conduisoient led. chariot branlant cou­vert de drapt d'or rez.
Et estoient autour dud. chariot six nobles hommes, portans les quatre coingtz et les deux meilleux dud.
drap d'or, c'est assavoir mess0 Galyas de Saint Se­verin, monsr le viclasme de Chartres, et.....de
Tinteville sr....., d'un costé; et de l'austre costé
estoit mons1, de La Marche........
Après et derriere led. chariot marchoient tres no­bles et puissans princes monsr le duc d'Alençon, mons1, le conte de Montpensier, monsr de Foiz,
mons' de Dunoys,.....vestus de grans manteaulx
de dueil.
Et après marchoient trés reverend Pere en Dieu monsrle Legat d'Amboise, monsr de Sens, avec plu­sieurs prelatz et grans seigneurs de ce royaulme.
Après, monsr le Chancelier et mess" de la Court de Parlement.
Après, mess" des Comptes, mess" les Generaulx des Finances et Generaulx de la Justice des Aides et des Monnoyes, mess" du Tresor et les Esleuz, mess" de Chaslellet, et grans nombre de marchans de cested, ville, à cheval et en robes noires.
Et à icelle porte mesd. s" les Prevost des Mar­chans, trois Eschevins et le Clerc, et, ou lieu de l'autre Eschevin qui estoit pour lors malade, le Re­ceveur de lad. Ville, prindrent lepoille, aussi de drap d'or rez estant sur ledit chariot queportoientsix gentilzhommes archers de la garde du Roy nostred. sr; et le porlerent lesd. S" dela Ville jusques près du bout du pont Saint Michel. Et pour ce qu'il estoit fort pesant, leur feurent baillez six gentilzhommes de la maison du Roy, lesquelz porterent led. poille ; et à costé d'eulx estoient mesd. s" les Prevost des Marchans et Eschevins, Clerc et Receveur. Et oudit ordre allerent jusques devant la porte de l'eglise des Celestins.
Ledit corps illec arrivé fut inhumé avec le corps de feu Loys, duc d'Orleans, pere de feu mond. sr le [duc] d'Orleans. Et le lendemain furent faiz plusieurs beaulx services en lad. eglise où estoient mond. sr le Legat et plusieurs autres grans seigneurs, officiers et bourgois de lad. ville de Paris.
CLXXXI. — Requeste par Mess™ de la Ville à MoNSr le Chancelier
POUR LA CONTINUACION DES AIDES DU PONT.
i" mars i5o5. (Fol. i34 r°.)
Le premier jour de Mars l'an mil cinq cens et quatre, mess" les Prevost des Marchans et Eschevins de la ville de Paris, acompagnez de sire Jehan Le Lievre, sire Jehan de L'Olive, sire Jehan Croquet et maistre Jehan Hesselin, Andry Fournier, allerent
devers mons' le Chancelier près Saint Andry des Ars; avec lequel estoient révérand Pere en Dieu monsr l'Evesque de Paris, monsr Daunet m0 des Re­questes ordinaires de l'Ostel du Roynostre s°, maistre Estienne Petit maistre des Comptes ordinaire dud.